august 2015 – !Vamos!

Luksus i Pedernales

På eit bittelite museum som er verdt eit besøk! Alt dette er eldgamle signaturstempel… Ah, vil ha!!!

Pedernales får ingen omtale i Lonely Planet. Det syns vi den skulle hatt! Her var det god gatemat, gratis danseshow på torget, konsert og eit yrande natteliv på stranda. Rett ved bussterminalen sov vi på eit hotell der vi for 120kr fekk aircondition, flatskjerm/kleshengar, eige bad, varmtvatn og veranda. Vi likte oss mye!

Eg unnar meg litt pedikyr til 40 kroner.

Han lærar seg ta-på-skjerm.... — Han lærar seg ta-på-skjerm….

Frukost på gata er aldri kjedeleg! Ei gås kostar 20kr, om du lurte.

Vegen blir til mens du bussar

No har vi reist med overraskande behaglege bussar til kysten.

Prisen er omlag 8kr for ein time. Greit det.

Besten instruerar Birk i kokosnøttkunsten. Denne kaféen var overmåte bra, både mat og folka og hjelpa!

Øya Muisne endte vi opp på, og for ein stad! Utslitt, vérbitt, roleg og snill. Rekebasseng og mangroveskog i skjønn disharmoni, dramatisk hav og skiftande himmel. Vi snorkla etter stilige fiskar, såg fuglar med blåe bein og fekk juling i bølgene. Men tøffast av alt var å sjå kvalane! Det er utruleg at kapteinen klarte å finna dei på det store stillehavet….

Må berre plukke på termittua.... — Må berre plukke på termittua….

Vi ventar på Luis som skal ta oss med på båttur

Kvalutflukt, habil båtførar, snorkling, mangroveklatring, fisking, deilig dag!!!

Vi vart sitjande med denne gamle, sletne mjelkebonden i ein time og prata politikk og økonomi, samt livet generelt..

Det er den draumen

Kor mykje kostar eit år? Kva skal ein måle det i? Pengar, lønningar, arbeid, relasjonar, møter, smil, sjølvtillit, draumar eller tårer?

No startar eit nytt eventyr, som ikkje skal målast i anna enn minner og tid. Kanskje kjem eg til å skrive litt her til dåke som er glade i meg, til dåke som treng eit spark bak for å komma i gang med eigne turar eller berre deg som tilfeldigvis klikkar forbi. Audmjukt seier eg takk til deg som følgjer!

Eg har no permisjon frå Molde Folkehøgskole, har vore på Nordgardsetra og gjort meg feit, vaksinert skrotten for det meste ulumskt som finns og er klar for Sør-Amerika, regnskogen og Amasonas!

DSC_0483[1] — Eg sov ikkje bort Gardermoen-natta

Planen er genial i sin komplekse enkelhet:

Fly Bergen til Quito I Ecuador
Byggje ein flåte til fem personar
Sjå kor langt vi kjem
Fly heim frå Rio de Janiero, Brasil

Forhåpentligvis. Vi har i teorien teke høgde for malariamedisinpsykose, bryllupsreiseforventningar, varierande risikopersepsjon og kulinariske behov. Vi kjenner ikkje kvarandre alle saman frå før av, så dette vert spennande, utfordrande, irriterande, klaustrofobisk, morsomt og lærerikt! Skulle alt gå skeis har eg for min del testamentet ferdigskrive, samt passordoversikt og ønskelista til julenissen klart heime. Så få vi sjå då, korleis alt går til sist : ) Eg er klar for kva det skulle vere!

Regel nummer 3: Hold lav profil. Korleis skal eg klara det, når eg er som eg er, og Birk er sjølvaste definisjonen på norsk turist!?

Denne skulle eg gjerne hatt ei historie til... — Denne skulle eg gjerne hatt ei historie til…

På flyet over Atlanterhavet var situasjonen denne: Eg og reisekammerat Håkon Birk har planlagt neste veke ilag på 10 minutt, kvifor gjere det meir komplisert? Mamma har skrive song til meg på «Vesle Daniel»-melodien, Malin har skrive eit legendarisk, pasjonert flybrev og beina mine er ein stad mellom elefant og vissen peppermynte. «Pura
vida!» ville dei sagt i Costa Rica, kva vil vi læra oss å seie her?

DSC_0494[3] — Obligatorisk «Vi er framme»-bilete på Quitos tak

Så kom vi fram, og tru det eller ei: På heile reisa har det ikkje skjedd noko kluss! Alle papir, flygningar og magar er i orden. Det er noko å skrive heim om.

Vi ordna oss inn på koselege, reine og vennlege Hostal Secret Garden, og sjekka inn på sovesal. 100kr natta. Deilig å vera i gang igjen! Så tok vi byen fatt, åt, prata, handla og såg på ting. Quito er ein ryddig og strukturert by, så vidt eg opplever det til no. Har sett nokre horer og mange fulle, eldre menn, men ellers er det overraskande flott her!

DSC_0491[1] — Magane og vegane overraskar!

Det er godt å reisa denne gangen, for eg gledar meg til å komma heimatt på ein ny måte for meg. Gløggen er allereie bestilt og juleverkstadsinvitasjonane forventar eg vil tårna seg opp i postkassen.

Hald deg innstilt

(stay tuned)

Norsk. Norwegian. Noruega. Takksam.